المميزات ← الشحن والتوصيل
لو عندك عقد مع Bosta بأسعار خاصة بيك، تقدر تشحن طلبات متجرك على حسابك عندها بدل حساب المنصة. البوليصة تطلع بأسعارك، وفلوس التحصيل توصلك من Bosta على طول.
في «الشحن عبر شنطة»، تكلفة كل بوليصة بتتخصم من رصيد محفظتك، والمنصة بتحصّل لك فلوس الدفع عند الاستلام وتضيفها لمحفظتك. في الربط المباشر بتكتب مفتاح الربط (API Key) والبريد الإلكتروني وكلمة المرور بتوع حسابك على Bosta، فالبوليصة بتطلع على حسابك إنت، وBosta بتحاسبك على الشحن وبتحوّل لك التحصيلات مباشرة. المنصة مالهاش دعوة بالفلوس هنا، ومفيش أي خصم من محفظتك.
إنت اللي بتحط سعر الشحن لكل منطقة، والسعر ده هو اللي العميل بيشوفه وهو بيكمّل الطلب.
خد بالك: أول ما تشغّل «الشحن بحسابك لدى بوسطة»، ربط Bosta عن طريق المنصة بيتشال من متجرك. ولو وقفت الربط المباشر بعد كده، ربط المنصة مش بيرجع لوحده.
