المميزات ← العملاء والتقييمات
متاحة في إنطلاقة برو
عميل بيطلب ويرفض الاستلام كل مرة، أو بيعمل أوردرات وهمية — كل أوردر منهم بيكلّفك شحن ومرتجع ووقت فريقك. الحظر بيقفل متجرك في وشّه من غير ما تقعد تلغي وراه.
من صفحة العميل بتضغط «حظر العميل». الحظر بيتسجّل على إيميله ورقم تليفونه، مش على الحساب بس: ما يقدرش يدخل، ولا يسجّل حساب جديد، ولا يكمّل أوردر على متجرك بالإيميل أو الرقم دول — حتى لو طلب كزائر أو من الطلب السريع. ولو كان داخل على المتجر، بيخرج أول ما يفتح أي صفحة.
ولما يحاول يطلب بيشوف رسالة هادية: «تعذّر إتمام طلبك على هذا الموقع، تواصل مع إدارة الموقع.»
خد بالك: الحظر بيمسك الإيميل والرقم اللي في حساب العميل وقت ما حظرته. لو رجع يطلب برقم وإيميل تانيين خالص، الحظر مش هيعرفه.
