متاحة في
برو
عرض بيظهر للعميل وهو ماسك محفظته فعلًا: «إنت اشتريت ده… خد كمان ده بخصم». أرخص بيعة ممكن تعملها، لأن مفيش إعلان ولا شحن جديد وراها.
الفكرة باختصار
بتعمل قاعدة بسيطة: إذا اشترى العميل (منتج) يحصل على (منتج تاني) بنسبة خصم، والسعر بعد الخصم بيتحسب قدامك وإنت بتكتبه. وبتحدد العرض يظهر فين: في السلة، بعد ما يخلّص الطلب، أو في الاتنين. لو وافق، المنتج بيتضاف لنفس الطلب على طول.
إمتى تستخدمها
- نسخة أكبر أو أفخم من نفس المنتج.
- منتج استهلاكي بيخلص: عبوة تانية بخصم مع الأولى.
- تصريف مخزون راكد بربطه بمنتج سريع الحركة.
لازم تعرف
- الخصم نسبة دايمًا، ومعاه حد أقصى للتخفيض — ده اللي بيمنع عرض على منتج غالي إنه ياكل ربحك كله.
- مكان الظهور بيغيّر النتيجة: العرض في السلة بيزوّد الطلب قبل الدفع، والعرض بعد الطلب مابيعطّلش خطوة الدفع. جرّب الاتنين وشوف الأرقام.
- الرفض مابيأذيش: لو العميل رفض العرض، طلبه بيكمل عادي من غير أي تغيير.
- ليه مدة بداية ونهاية زي أي عرض.
- مكانها: لوحة التحكم ← التسويق ← عروض الترقية.
خد بالك: اربط منتجات قريبة من بعضها في السعر. عرض على منتج تمنه ضعف المنتج الأصلي بيتقفل من غير ما حد يبصله.
