متاحة في
إنطلاقة
برو
تغيير سعر أو حالة توفّر لمية منتج واحد ورا التاني شغل يوم كامل. التعديل الجماعي بيعمله في خطوة واحدة.
الفكرة باختصار
بتفتح قائمة المنتجات وتعلّم على المنتجات اللي عايزها، فيظهرلك شريط فوق الجدول فيه «اتخاذ اجراء»: تفعيل، تعطيل، حذف، تثبيت، وتعديل التصنيفات. ولتعديل الأسعار والكميات لمنتجات كتير مرة واحدة افتح «خدمات ← تعديل الأسعار والكميات».
إمتى تستخدمها
- بداية أو نهاية عرض موسمي على تصنيف كامل.
- إخفاء أو إظهار مجموعة منتجات دفعة واحدة.
- ترتيب المنتجات على تصنيفات جديدة بعد ما توسّع المتجر.
- تحديث كميات بعد جرد.
لازم تعرف
- التعديل بيتطبق على المعلّم عليه بس: راجع اختيارك قبل ما تأكّد — والتعليم بيشمل الصفحة المعروضة بس، ولو قلّبت الصفحة التعليم بيروح.
- مفيش تراجع بضغطة: لو غلطت في مجموعة كبيرة هتحتاج تعدّلها تاني بنفس الطريقة. والمنتجات المحذوفة تقدر تسترجعها من سلة المحذوفات لو باقتك برو بس — في إنطلاقة الحذف ما بيترجعش.
- الميزة شغالة عندك من غير تفعيل — مش هتلاقيها في قائمة المميزات، هي جوه صفحة المنتجات نفسها.
- مكانها: لوحة التحكم ← المنتجات ← تعلّم على المنتجات ← «اتخاذ اجراء» في الشريط اللي فوق الجدول، وتعديل الأسعار والكميات من «خدمات ← تعديل الأسعار والكميات».
خد بالك: جرّبه على تلات منتجات الأول وشوف النتيجة، وبعدين طبّقه على المية.
